Frælsi brúkti 800.000 ov nógv

21.11.2020 - 14:07
AktueltSamfelag
Frælsi brúkti 800.000 ov nógv
Viðgerðarstovnurin á Eiði brúkti 20 prosent meira í fjør, enn løgtingið játtaði stovninum, staðfestir Landsgrannskoðanin.
 

Viðgerðarstovnurin Frælsi á Eiði brúkti 20 prosent meira í fjør, enn løgtingið játtaði stovninum á fíggjarlógini.

Tað staðfestir landsgrannskoðanin í síni frágreiðing fyri árið í fjør. Landsroknskapurin fyri 2019 varð viðgjørdur í løgtinginum í gjár, og har var eittnú meirnýtslan hjá Frælsinum umrødd.

Á fíggjarlógini fyri 2019 vórðu 3,9 milliónir krónur játtaðar til Frælsið. 

Men meirnýtslan var 797.000 krónur.

Í frágreiðingini hjá landsgrannskoðanini stendur, at landsstýrismaðurin í heilsumálum hevur kunnað um, at sambært stovnsleiðaranum hevði stovnurin ov lítla játtan til at hava virksemi alt árið.

Meirnýtslan stavar, sambært Landsgrannskoðanini, frá meirnýtslu í samband við at útbúgva starvsfólk í Danmark í sambandi við krøv í nýggju lógini um rúsviðgerðarstovnar, umframt til til at útbúgva onnur starvsfólk í Føroyum. Eisini eru pengar brúktir til at knýta sálarfrøðing at stovninum, umframt eina eldávaringarskipan.

Martin Kúrberg, leiðari fyri Frælsi, hevur ikki hug at gera samrøðu nú.

Hann vísir tó á, at hann tíðliga í fjør boðaði frá, at játtanin fór ikki at halda. Og hann bjóðaði sær tí til at steingja virksemið á Frælsinum, ein part av árinum. Men tað vildi politiska skipanin ikki, sigur hann.

Fyrr í ár fekk Frælsi eina millión krónur í eykajáttan. 

-Við hesi eykajáttan kemur játtanin til Frælsi í ár at halda, sigur Martin Kúrberg.

Í fíggjarlógaruppskotinum fyri 2021 er játtanin til Frælsi eisini hækkað við einari góðari millión, so hon tilsamans verður 5.072.000 krónur.

Í samband við fíggjarlógararbeiðið hevur Fíggjarnevndin hjá løgtinginum fingið upplýst, at tað er reiðaríið "Palli hjá Mariannu", sum eigur bygningin, ið Frælsi húsast í á Eiði. 

Avtalan millum P/F Palla hjá Mariannu og Frelsunarherin er at leiga fyri 10.000 krónur um mánaðin. Í avtaluni stendur, at Frelsunarherurin hevur forkeypsrætt til bygningin, og at peningur, ið verður goldin í leigu, gongur inn á lánið, so at P/F Palli hjá Mariannu ikki hevur vinning av hesi avtalu. 
 

 
Nýggjastu sendingar í ÚV
Hósdag 26. november
Breddin
116818
Hósdag 26. november
Óhoyrt
116805
Hósdag 26. november
At njóta og nýta
116798
Hósdag 26. november
Góðan morgun Føroyar
116789
Nýggjastu sendingar í SV
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620