Hevur einki frætt frá Eivindi Jacobsen

Hevur einki frætt frá Eivindi Jacobsen
Advokaturin hjá Heðini Mortensen hótti við at fara í rættin, um Eivind Jacobsen ikki bað um umbering
Heðin Mortensen ogadvokatur hansara, Jógvan Páll Lassen, hóttu við at stevna Eivindi Jacobsen, tí hann legði Heðin Mortensen undir at spekulera í grundstykkjum og ganga uttan um lógina
Mynd: Bjarni Árting Rubeksen  
 
17.11.2020 - 13:10

Heðin Mortensen og advokatur hansara, Jógvan Páll Lassen, hava einki frætt frá Eivindi Jacobsen.

Beint fyri kommunuvalið hóttu teir við at stevna Eivindi Jacobsen, tí hann á Vágaportalinum legði Heðin Mortensen undir at spekulera í grundøkjum og at umganga lógina, bæði moralskt og juridiskt.

Síðani skrivar Jógvan Páll Lassen í brævinum til Eivind Jacobsen, at um hann skilti hann rætt, legði hann Heðin Mortensen undir at hava fingið vinning burtur úr einari partabrævasølu.

Hetta eru skuldsetingar, sum, um tær verða lagdar fyri rættin, hava revsing við sær, skrivaði Jógvan Páll Lassen.

Eg skal tí siga frá, at um tú ikki alment tekur skuldsetingarnar aftur beinanvegin og biður um umbering fyri skriving tína, verði eg noyddur at leggja málið fyri rættin við kravi um revsing og endurgjald, skrivaði Jógvan Páll Lassen eisini.

Eivind Jacobsen segði við Vágaportalin tá, at hann fór at svara eftir kommunuvalið.

Enn er einki svar komið, sigur Jógvan Páll Lassen. Og støða er ikki tikin til, hvat meira skal henda við málinum.


 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584