Grønland og Bretland eisini gjørt rammuavtalu

16.11.2020 - 09:43
AktueltPolitikkur
Grønland og Bretland eisini gjørt rammuavtalu
Grønland selur bæði tosk og rækju til bretska marknaðin
Jens Immanuelsen er landsstýrismaður í fiskivinnumálum í Grønlandi
 

Tá bretar fara úr ES, skulu Bretland og Grønland tosa saman um fiskivinnusamstarv í framtíðini. Tað hava londini gjørt avtalu um, skrivar Sermitsiaq.

- Avtalan, sum er undirskrivað, er fyrsta stigið ímóti tøttum samstarvi millum Grønland og Bretland, sigur grønlendski landsstýrismaðurin í fiskivinnumálum, Jens Immanuelsen.

Avtalan ásetur ikki nøkur ávís mál, sum samstarvast skal um, men er ein rammuavtala millum partarnar, sigur landsstýrismaðurin.

Føroyar og Bretland skrivaðu undir eina líknandi avtalu herfyri, og so skulu samráðingar í desember áseta, hvat avtalan skal fevna um.

Samstarv við grannalondini

- So hvørt sum Bretland fær ræðið á sínum sjóøki aftur, fara vit at samstarva við grannalondini norðanfyri, ið kann menna bretsku fiskivinnuna, sigur Victoria Prentis. Hon skrivaði undir avtaluna við Grønland fyri bretsku stjórnina.

Grønlendska landsstýrið hevur leingi arbeitt við eini ætlan um at fáa samstarv í lag við Bretland, tí Grønland selur bæði tosk og rækju til bretska marknaðin.

Eftir avtaluni skulu londini á hvørjum ári gera avtalur um samstarv, tá brexit er veruleiki, skrivar Sermitsiaq.


 

 
Nýggjastu sendingar í ÚV
Mánadag 1. mars
Morgunlestur mánadagur 1. mars 2021
120730
Sunnudag 28. februar
Nólsoyar Páll á Biskupsstøð (4:4)
120144
Sunnudag 28. februar
Guðstænasta úr Christianskirkjuni.
120903
Leygardag 27. februar
Frá fyrsta Smirli til í dag - 5. sending
120880
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andaktin
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898