Kvinnur í meiriluta í fimm kommunum

bannari
12.11.2020 - 11:07
AktueltPolitikkur
Kvinnur í meiriluta í fimm kommunum
Í øllum hinum kommununum eru fleiri menn enn kvinnur í kommunustýrinum
Talið á kvinnum, ið eru valdar í bý- og bygdaráðini hesaferð, samsvarar rættiliga væl við talið á kvinnuligum valevnum
 

Í fimm av teimum 29 kommununum í Føroyum eru fleiri kvinnur enn menn í nývalda kommunustýrinum. Í øllum hinum kommununum eru fleiri menn enn kvinnur í kommunustýrinum.

Kommunurnar, sum hava meirilutan av kvinnum, eru Tvøroyrar kommuna, Fugloyar kommuna, Hvannasunds kommuna, Tórshavnar kommuna og Vestmanna kommuna.

Í Tvøroyrar kommunu eru fýra kvinnur og tríggir menn. Í Tórshavnar kommunu eru sjey kvinnur og seks menn. Vestmanna kommuna hevur fýra kvinnur og tríggir menn.

Menn stýra í stóran mun kommununum

Fugloyar kommuna hevur tvær kvinnur og ein mann í bygdaráðnum. Og Hvannasunds kommuna er tann kommunan, sum hevur lutfalsliga flestar kvinnur í bygdaráðnum. Har eru fýra kvinnur og ein maður.

Nógv tær flestu kommunurnar hava fleiri menn enn kvinnur í kommunustýrinum. Tríggjar kommunur hava bara menn í kommunustýrissessunum. Tær eru Skúvoyar kommuna, Fámjins kommuna og Sjóvar kommuna.

Í Fámjin stillaðu ongar kvinnur upp til valið hesaferð. Í Skúvoy var ein kvinna á listanum, men í Sjóvar kommunu vóru knapt 32 prosent av valevnunum kvinnur. Kortini eydnaðist tað ongari at fáa nóg mikið av atkvøðum til ein sess í kommunustýrinum.

Samband millum talið á uppstillaðum og valdum

Tað eru eisini aðrar kommunur, sum hava sera lítla kvinnuumboðan í kommunustýrinum eftir valið. Taka vit tær kommurnar, har kvinnurnar eru millum 0 og 30 prosent av kommunustýrislimunum, eru hesar tilsamans 11 í tali íroknað Skúvoy, Fámjin og Sjóvar kommunu, sum onki kvinnuumboð hava.

Hinar eru í Fuglafirði, á Nesi, í Hvalba, Skálavík, Kunoy, á Viðareiði, í Sørvági og so í Sunda kommunu. Í Sunda kommunu er kvinnuliga umboðanin í kommunustýrinum nú bara níggju prosent. Talið á kvinnuligum valevnum har var tó 21 prosent.

Annars kann sigast, at talið á kvinnum, ið eru valdar í bý- og bygdaráðini hesaferð, samsvarar rættiliga væl við talið á kvinnuligum valevnum. 34,6 prosent av valevnunum eru kvinnur, og 35,7 prosent av nývaldu bý- og bygdaráðslimunum eru kvinnur.

 
Nýggjastu sendingar í ÚV
Sunnudag 24. januar
Meg minnist: Pætur Rasmussen (3:4)
118903
Leygardag 23. januar
TEMAPLÁTAN: Van Halen, Van Halen, 1978
119342
Leygardag 23. januar
Ein váðafull bumbuferð
118473
Leygardag 23. januar
Jambalaja 230121
119338
Nýggjastu sendingar í SV
Sunnudag 24. januar
Guðstænasta
119351
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181