Kunnu stýra kommunu, hóast tey onga atkvøðu fingu

bannari
Kunnu stýra kommunu, hóast tey onga atkvøðu fingu
Í Húsavíkar kommunu kann tað gerast neyðugt at fáa fólk í bygdaráðið, sum onga atkvøðu fekk týsdagin
Í Húsavíkar kommunu kann tað gerast neyðugt at fáa fólk í bygdaráðið, sum onga atkvøðu fekk týsdagin
 
12.11.2020 - 11:42

Fólk kunnu stýra einari kommunu, hóast tey ikki fingu eina einastu atkvøðu á kommunuvalinum. Sjey valevni á valinum týsdagin fingu onga atkvøðu.

Talan er um eitt valevni í Eysturkommunu, eitt í Skúvoyar kommunu, eitt í Fámjins kommunu, tvey í Fugloyar kommunu og tvey í Húsavíkar kommunu.

Í Húsavíkar kommunu kann tað gerast neyðugt at fáa fólk í bygdaráðið, sum onga atkvøðu fekk týsdagin. Á lista B vóru trý fólk.

 >> SÍ EISINI Yvirlit: Her eru allar tær persónligu atkvøðurnar

Tvey teirra eru vald í bygdaráðið. Triðja valevnið á listanum fekk onga atkvøðu. Um annað teirra, sum er valt í bygdaráðið, til dømis flytur úr kommununi, kemur tann triði á lista B í bygdaráðið.

Tí sambært lógini skal ein listi tømast, sum tað eitur, sama, hvussu nógvar atkvøðurnar eru, eisini um eingin atkvøða er. 

Hóast fólk ikki vilja stilla upp, er tað ein borgaraskylda at stilla upp, um fólk, til dømis uttan at tey vita av tí, verða sett á ein lista.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584