Karl Johansen kanska borgarstjóri í Klaksvík

11.11.2020 - 14:03
AktueltPolitikkur
Karl Johansen kanska borgarstjóri í Klaksvík
Fólkaflokkurin er lopin frá avtaluni, sum varð gjørd við Sjálvstýri seint í gjárkvøldið
Karl Johansen verður kanska nýggjur borgarstjóri í Klaksvík. Nú samráðast Fólkaflokkurin og Sambandsflokkurin um samgongu
 

Nývaldi býráðslimurin hjá Sambandsflokkinum í Klaksvíkar býráð, Karl Johansen, verður kanska nýggjur borgarstjóri í Klaksvík.

Seint í gjárkvøldið varð avtala annars gjørd millum Fólkaflokkin og Sjálvstýri um samgongu. Fólkaflokkurin skuldi fáa borgarstjóran og Sjálvstýri varaborgarstjóran.

Á middegi hittust flokkarnir aftur til samráðingar. Tá varð greitt, at Fólkaflokkurin var lopin frá avtaluni við Sjálvstýri.

Nú samráðast Sambandsflokkurin og Fólkaflokkurin um samgongu, men Karl Johansen sigur við útvarpið, at eingin avgerð er tikin. 

Takkar fyri seg

Jógvan Skorheim skrivar á sínum Facebook-vanga, at eftir átta ár sum borgarstjóri, er tíðarskeiðið liðugt.

"Vit høvdu droymt um, at verandi framburður skuldi halda fram, har fokus var á spennandi verkætlanir, miðbý, visionerar ætlanir og fólkavøkstur. Men Fólkaflokkurin valdi nakað annað," skrivar Jógvan Skorheim á Facebook. 

Fyrr í dag segði Signhild V. Johannesen í Javnaðarflokkinum, at Jógvan Skorheim hevði fingið tilboð frá Javnaðarflokkinum, Tjóðveldi og Sambandsflokkinum um at halda fram sum borgarstjóri í samgongu við hesar tríggjar flokkarnar.

Men Jógvan Skorheim skrivar, at hann fekk ongantíð vissu fyri nøkrum øðrum møguleika um samgongu, hóast  tað hevur verið ført fram í miðlunum. 

 

 

 

 

 
Nýggjastu sendingar í ÚV
Mánadag 1. mars
Morgunlestur mánadagur 1. mars 2021
120730
Sunnudag 28. februar
Nólsoyar Páll á Biskupsstøð (4:4)
120144
Sunnudag 28. februar
Guðstænasta úr Christianskirkjuni.
120903
Leygardag 27. februar
Frá fyrsta Smirli til í dag - 5. sending
120880
Nýggjastu sendingar í SV
Sunnudag 28. februar
TeenStreet lovsangur 5:5
120907
Sunnudag 28. februar
Andaktin
120906
Sunnudag 28. februar
Guðstænasta úr Christianskirkjuni.
120902
Leygardag 27. februar
Flogbóltur: ÍF - Mjølnir
120899
Leygardag 27. februar
Flogbóltur: Dráttur - SÍ
120898