Nýggi Kambur kemur leygardagin

04.11.2020 - 11:36
AktueltSamfelag
Nýggi Kambur kemur leygardagin
Felagið M&S Strendur hevur keypt frystilínuskipið Østerfjord úr Noregi
Østerfjord kemur fyri Kamb, sum er seldur til Vestmanna
 

Leygardagin 7. november kemur nýggi Kambur á Strendur.

Tað er felagið  M&S Strendur, sum hevur keypt norska frystilínuskipið Østerfjord. Skipið skal avloysa Kamb, sum felagið hevur selt til Vestmanna.

Østerfjord er bygdur í 1998. Hann er 46 metrar langur og 11 metrar breiður, og tekur 320 tons. 

Skipið hevur dragibrunn, sum merkir, at teir draga línuna upp gjøgnum skipið.

Skipa fyri móttøku

Frammanundan er tað bara eitt línuskip í landinum, sum hevur dragibrunn, og tað er Klakkur, sum eisini er keyptur úr Noregi. Klakkur kom til Føroya 9. januar.

Í sambandi við at nýggi Kambur kemur til Føroya, skipa Sjóvar kommuna og reiðaríið fyri almennari móttøku á havnarlagnum á Hulki. 

Á skránni eru røður og sangframførslur, og eisini verður okkurt til matna. Møguleiki verður eisini at sleppa umborð at síggja nýggja skipið.

Koronutilmælini verða fylgd, og øll vitjandi verða skrásett, skrivar Sjóvar kommuna.
 

Er kopiera
Nýggjastu sendingar í ÚV
Týsdag 20. apríl
Óhoyrt
123085
Týsdag 20. apríl
LEITISSTEIN 19.04.2021
123084
Týsdag 20. apríl
Nón 20. apríl 2021
123082
Týsdag 20. apríl
Tempo
123072
Týsdag 20. apríl
Tempo
123071
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973
Sunnudag 18. apríl
Guðstænasta í Vesturkirkjuni
122971
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879