Noreg herðir koronureglur fyri útlendingar

26.10.2020 - 15:18
AktueltÚtheimurin
Noreg herðir koronureglur fyri útlendingar
Smittan breiðir seg skjótt millum útlendsk arbeiðsfólk, tí tey sleppa undan at vera í sóttarhaldi í 10 dagar
Norski heilsumálaráðharrin, Bent Høie, hevur havt fund við vinnuna um nógvu útlendingarnar, sum eru smittaðir. Umleið 200 sjúkir útlendingar eru komnir til Noregs at arbeiða
 

Norsku myndugleikarnir hava gjørt av at herða koronureglurnar fyri útlendsk arbeiðsfólk, sum koma til landið.

Orsøkin er, at smittan hevur breitt seg skjótt millum útlendsku arbeiðsfólkini seinastu tíðina.

Orsøkin er helst, at útlendsku arbeiðsfólkini eru sloppin undan at vera í sóttarhaldi í 10 dagar, fyri at halda gongd í ídnaðinum.

Nú verður tann reglan eftir øllum at døma strikað, samstundis sum útlendsku arbeiðsfólkini skulu hava sítt egna kamar, og tey skulu kannast triðja hvønn dag fyri koronu.

Vinnan ivast

Norski heilsumálaráðharrin, Bent Høie, hevur havt fund við umboð fyri vinnuna og arbeiðarafeløgini, fyri at fáa greiðu á støðuni.

Myndugleikarnir upplýsa, at seinastu tíðina eru 200 sjúkir útlendingar komnir til Noregs at arbeiða, og umleið helvtin av teimum eru úr Póllandi. Sjúku fólkini hava síðani smittað onnur á fleiri stórum arbeiðsplássum.

Umboð fyri vinnuna siga seg verða í iva um herdu krøvini, sum myndugleikarnir arbeiða við, og vandi er fyri, at nógv arbeiðspláss verða noydd at lata aftur, sigur Ole Erik Almlid, umboð fyri vinnuna.


 

 
Nýggjastu sendingar í ÚV
Hósdag 26. november
Breddin
116818
Hósdag 26. november
Óhoyrt
116805
Hósdag 26. november
At njóta og nýta
116798
Hósdag 26. november
Góðan morgun Føroyar
116789
Nýggjastu sendingar í SV
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620