Luitjen á odda

25.10.2020 - 10:35
ÍtrótturAnnar ítróttur
Luitjen á odda
Yngsti telvarin í Landsliðsbólkinum er fremstur eftir fyrstu trý umførini í FM-talvkappingini fyri einstaklingar í Runavík
Luitjen Akselsson Apol er bert 14 ára gamal
 

Tann einans 14 ára gamli Luitjen Akselsson Apol úr Havnar Telvingarfelag hevur fingið eina flúgvandi byrjan í árligu føroyameistarakappingini. Tað skrivar Talvsambandið á heimasíðu sínari. 

Hann hevur sum tann einasti fult stigatal eftir fyrstu trý umførini. Mótsøðumenn hansara hava verið Hans Kristian Simonsen, Margar Berg og Rani Nolsøe.

Í hølunum á honum er stórfavoritturin Høgni Egilstoft Nielsen úr Sandavágs Talvfelag við 2½ stigi. Høgni hevur vunnið á Heiðriki Jacobsen og Heðini Gregersen og telvað remis móti Hans Kristiani Simonsen.

Støðan í Landsliðsbólkinum:

1 Luitjen A. Apol (2126) HT 3

2 Høgni Egilstoft Nielsen (2396) ST 2½

3 Andrias Danielsen (1886) TT 2

4 Hans Kristian Simonsen (2147) KT 2

5 Heðin Gregersen KTF (1804) 2

6 Heiðrikur Jacobsen (1873) HT 1

7 Rani Nolsøe (2061) KTF ½

8 Margar Berg (1912) HT 0

 

Hinir bólkarnir

Í almenna bólkinum hevur Flóvin M. Tummasarson úr Klaksvíkar Talvfelag gjørt bart. Hann er einsamallur á odda við fullum stigatali. Honum næstir eru Rógvi Mørkøre úr Kollafjarðar Talvfelag og Silas Hannesarson, báðir við 2½ stigi. Ellivu telva í almenna bólkinum.

Í unglingabólkinum hevur Elias Petersen úr Havnar Telvingarfelag tikið dik á seg og lagt seg á odda við trimum sigrum í trimum umførum. Honum næstir eru fýra telvarar við 1½ stigum hvør. Einans sjey kappast í unglingabólkinum.

Meira er um kappingina á heimasíðu Talvsambandsins: faroechess.com.

 

 
Nýggjastu sendingar í ÚV
Mánadag 30. november
Umhvørvið og eg - Bilar
116949
Mánadag 30. november
Nón 30. november 2020
116988
Mánadag 30. november
Norðurljóð 30.november "Jól 2020"
116944
Mánadag 30. november
Áðrenn Elvis: Millumkrígs blues og folk
116983
Mánadag 30. november
Víkingur og HB hittast í steypafinaluni
116981
Nýggjastu sendingar í SV
Mánadag 30. november
3-2
116999
Sunnudag 29. november
Andakt við Jákupi Erlingssyni Petersen
116914
Sunnudag 29. november
Fótbóltur: NSÍ - HB
116927
Sunnudag 29. november
Guðstænasta úr Christianskirkjuni
116923
Leygardag 28. november
Fótbóltur: Víkingur - B36
116909