Sjey skip fingið tillutað ískoytiskvotur

Sjey skip fingið tillutað ískoytiskvotur
Jupiter, Arctic Voyager, Fram, Vesturbúgvin, Eysturbúgvin, Katrin Johanna og Hoyvík fáa ískoytiskvotur. 16 umsóknir komu inn
Jupiter er eitt av uppsjóvarskipunum, sum hevur fingið tillutað ískoytiskvotu
 
01.10.2020 - 08:19

Um avgerðina skrivar Fiskimálaráðið:

Øll skipini, sum fáa tillutað ískoytiskvotu, og eru virkin í uppsjóvarvinnu eina, fáa tillutað eins stóra nøgd. Mett verður, at virkisøki teirra er á líknandi støði, og rættast er at leggja somu niðurstøðu fyri hesi skip, hvat tørvi á ískoytiskvotu viðvíkur.

Øll skipini uttan Vesturbúgvin og Eysturbúgvin hava fingið tillutað 990 tons av norðhavssild. Vesturbúgvin hevur fingið tillutað 447 tons av norðhavssild, meðan Eysturbúgvin ikki søkti um part av kvotuni av norðhavssild.

Fingu 16 umsóknir

Vesturbúgvin og Eysturbúgvin hava fingið 195 tons av makreli, meðan restin av skipunum, Jupiter, Arctic Voyager, Fram, Katrin Johanna og Hoyvík hava fingið tillutað 490 tons av makreli.

Um orsøkina at lata Vesturbúgvanum og Eysturbúgvanum minni ískoytiskvotur, skrivar Fiskimálaráðið:

Umframt fiskidagar hava hesi skip eisini gulllaksakvotu, ið tryggjar støðugan rakstur í fleiri mánaðir um árið. Tí er avgerð tikin um at lata hesum skipunum minni ískoytiskvotu enn hinum.

16 umsóknir komu inn til ískoytiskvoturnar, sigur Fiskimálaráðið. Samlaða nøgdin av makreli og norðhavssild, sum bleiv býtt út sum ískoytiskvotur, var ávikavist 2.840 og 5.397 tons.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584