Johnson herðir koronutiltøkini munandi

bannari
23.09.2020 - 09:30
AktueltÚtheimurin
Johnson herðir koronutiltøkini munandi
Skeinkistøð skulu lata aftur klokkan 22, og fólk verða biðin um at arbeiða við hús
Boris Johnson, forsætisráðharri, stúrir fyri gongdini og herðir nú átøkini móti koronu munandi
 

Bretski forsætisráðharrin, Boris Johnson, boðar frá herdum átøkum fyri at steðga koronusmittuni.

- Støðan hjá okkum er sum í Spania og øðrum londum, og tí er neyðugt at herða tiltøkini, segði Boris Johnson í røðu fyri parlamentinum.

Hann boðaði frá, at ølstovur og onnur skeinkistøð noyðast at lata aftur klokkan 10 á kvøldi, og so nógv sum gjørligt mugu arbeiða við hús, í eini roynd at steðga smittuni.

Hann legði dent á, at tað ikki er óhugsandi, at tiltøkini fara at vara í seks mánaðir. Og so leingi mugu vit venja okkum við, at koronusmittan er ein partur av lívinum, segði hann.

50.000 smittað um dagin

Bretska stjórnin tekur bert avgerð um heiluspolitikkin í Onglandi, men Johnson segði, at eisini Skotland, Norðurírland og Wales fara at taka líknandi stig.

Boris Johnson boðaði frá átøkunum dagin eftir, at myndugleikarnir høvdu almannakunngjørt, at koronusmittan breiðir seg við rúkandi ferð, og at tað ikki er óvist, at smittutalið kemur upp í 50.000 fólk um dagin í oktober, um einki verður gjørt fyri at steðga smittuni, skrivar norska Nettavísin.

Er kopiera
Nýggjastu sendingar í ÚV
Fríggjadag 23. apríl
Góðan morgun Føroyar
123206
Fríggjadag 23. apríl
Morgunlesturin fríggjamorgunin 23. apríl 2021
123017
Hósdag 22. apríl
RagnarRokk 22.apríl "Jorn Lande"
122921
Hósdag 22. apríl
BREDDIN
123177
Hósdag 22. apríl
Nón 22. apríl 2021
123174
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973