- Tíðindi, mentan og ítróttur
Streympistólar eiga at verða ólógligir
Streympistólar eru ikki ólógligir í Føroyum, men tað áttu teir at verið.
Tað heldur Føroya Politistafelag, sum hevur viðmerkt uppskotið hjá landsstýrinum um at broyta vápnalógina.
Løgtingið viðger vápnalógina seinnapartin.
Politistafelagið heldur eisini, at reglurnar um knívar eiga at verða strangari.
Neyðugt við fleiri broytingum
Løgmansskrivstovan ásannar, at fleiri broytingar enn tær, sum nú skulu gerast í vápnalógini, eru neyðugar. Men tær verða ikki gjørdar í hesum umfarinum.
Skjótisamband Føroya heldur, at tey, sum fara av landinum við byrsu at kappast, eiga at hava vápnatrygdarskeið.
Men tað heldur Løgmansskrivstovan ikki.
Vápnapass
Landsstýrið vil hava heilt greiða heimild at krevja loyvi, tá vápn skulu av landinum til dømis í sambandi við skjótikappingar.
Eisini gevur lógaruppskotið, sum løgtingið viðger seinnapartin í dag, loyvi til at áseta reglur um føroyskt vápnapass.
Í øðrum lagi er endamálið við lógaruppskotinum at geva landsstýrisfólkinum greiða heimild at áseta nærri reglur um beinleiðis atgongd hjá politinum til vápnaskránna.