Skeinkistøð og vápnalógin í tinginum í dag

Skeinkistøð og vápnalógin í tinginum í dag
Heimildin at áseta upplatingartíðir hjá skeinkistøðum og eitt uppskot um at broyta vápnalógina fáa fyrstu viðgerð seinnapartin
Løgtingsfundur verður seinnapartin klokkan 13.30
 
22.09.2020 - 09:01

Løgtingið fer í dag viðgera uppskotið hjá Landsstýrinum, sum vil hava loyvi til at áseta upplatingartíðirnar hjá skeinkingarstøðum hetta til nýggjárs, og loyvi til at avgera, hvussu nógv fólk kunnu vera inni har í senn.

Landsstýrið hevði hetta loyvið í summar, men lógarheimildin fór úr gildi 31.august.

Men Landsstýrið vil framvegis hava hesa heimildina. 

Tí hevur Løgtingið fingið lógaruppskot um at geva loyvi til at áseta upplatingartíðirnar í heyst og í vetur. Lógarheimildin skal vera galdandi til 31.desember.

Sambært kunngerð, sum kom 8.august, skuldu skeinkingarstøðini lata aftur í seinasta lagi kl.23.00.

Men tá lógin fór úr gildi 31.august, avgjørdu skeinkistøðini av sínum eintingum at hava opið til klokkan tvey um náttina um vikuskiftini.

Vápnalógin broytast

Landsstýrið vil eisini sleppa at broyta vápnalógina. 

Landsstýrið vil hava heilt greiða heimild at krevja loyvi, tá vápn skulu av landinum, til dømis í sambandi við skjótikappingar.

Eisini gevur lógaruppskotið loyvi til at áseta reglur um føroyskt vápnapass.

Í øðrum lagi er endamálið við lógaruppskotinum at geva landsstýrisfólkinum greiða heimild at áseta nærri reglur um beinleiðis atgongd hjá politinum til vápnaskránna.

Tingfundurin í dag verður seinnapartin. Hann byrjar kl. 13.30. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585