Magnus Heinason yvirlitstrolar á Føroya Banka

14.09.2020 - 15:06
AktueltVinna
Magnus Heinason yvirlitstrolar á Føroya Banka
Fiskamarknaðurin væntar nakað av útróðri hesa vikuna
Magnus Heinason er á Føroya Banka í løtuni, og hann landar væntandi miðskeiðis í vikuni
 

Fýra línuskip eru vesturi á rygginum og fiska tosk, svartkalva, blálongu og so nakað av lira. Trý eru á landgrunninum og fiska tosk, hýsu, longu og brosmu, og eitt er við Ísland. 

Tað skrivar Fiskamarknaður Føroya í metig fyri hesa vikuna.

Viðvíkjandi útróðri, so harðnar streymurin, sum vikan gongur, men veðrið verður gott, serliga fyrst í vikuni, so væntandi verður nakað av útróðri. Bátarnir fáa mest av hýsu og so nakað av toski.

Tveir djúpvatnstrolarar eru vestanfyri og fiska kongafisk. Magnus Heinason er á Føroya Banka og ger yvirlitstrolingar. Hann landar miðskeiðis í vikuni, serliga hýsu og upsa og so væntandi nakað av toski.

Smáligt hjá partrolarum

Smáligur fiskiskapur er hjá partrolarunum. Seks pør eru til fiskiskap, og øll pørini fiska upsa.

Bara ein trolbátur er til fiskiskap. Hann er vestanfyri og fiskar mest av upsa og nakað av havtasku, longu og toski. 

Tvey garnaskip fiska svartkalva, og fiskiskapurin er smáligur. Eitt fiskar havtasku og hevur tað brúkligan fiskiskap, sigur Fiskamarknaður Føroya í meting fyri hesa vikuna.

 
Nýggjastu sendingar í ÚV
Týsdag 27. oktober
Breddin
115391
Týsdag 27. oktober
Óhoyrt
115389
Týsdag 27. oktober
Tempo
115377
Týsdag 27. oktober
Morgunlestur týsdagur 27.oktober 2020
115361
Týsdag 27. oktober
Góðan morgun Føroyar
115357
Nýggjastu sendingar í SV
Týsdag 27. oktober
Atlantshavið 2:3 - Fjøllini í dýpinum
115407
Týsdag 27. oktober
Hvat bagir? 4:8
115406
Týsdag 27. oktober
Berkað 3:5
115405
Týsdag 27. oktober
Hvat bagir? 2:8
115404
Týsdag 27. oktober
Hvat bagir? 1:8
115403