Yantarnyy leggur fiskin upp í Norðhavnini

Yantarnyy leggur fiskin upp í Norðhavnini
Russiska skipið hevur ligið í Nólsoyarfirði, men hevur nú fingið loyvi at leggja veiðuna upp í Ánunum
Yantarnyy, sum hevur ligið í Nólsoyarfirði, fer nú til Klaksvíkar at leggja veiðuna upp
 
08.09.2020 - 15:44

Russiski frystitrolarin Yantarnyy, sum hevur ligið í Nólsoyarfirði í longri tíð við fullari last, fer nú til Klaksvíkar, har hann skal leggja veiðuna upp í Norðhavnini í Ánunum.

Yantarnyy kom á Oyrareingir 23.august, eftir at hava verið til fiskiskap norðanfyri.

29 av manningini, sum telur 77, vístu seg at vera smittaðir av koronu.

Eitt frystifarmaskip var komið til Føroya at taka fiskin hjá Yantarnyy. Men farmaskipið fór úr Føroyum aftur, uttan at hava tikið fiskin hjá russiska trolaranum.

Í gjár vórðu teir av manningini á Yantarnyy, sum vóru smittaðir av korona, skrásettir at verða frískir aftur.

Tekur nakrar dagar at landa

Faroe Ship, sum umboðar russiska skipið í Føroyum, hevur vent sær til Klaksvíkar kommununu og biðið um at sleppa leggja veiðuna hjá Yantarnyy upp í frystihúsinum í Norðhavnini. 

Yantarnyy hevur fingið loyvi at koma til Klaksvíkar í dag at landa. Væntandi tekur tað tveir til tríggjar dagar at landa skipið.

Borgarar í Ánunum hava fingið at vita frá Klaksvíkar kommunu, at kommunan hevur verið í sambandi við landslæknan, sum heldur tað vera ráðiligt, at skipið kemur til lands. 

Sagt verður eisini, at fyrilit verða tikin fyri at tryggja, at ein møgulig smitta umborð á skipinum ikki kemur í land.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585