Politistøðin verður ikki liðug fyrr enn í mars

Politistøðin verður ikki liðug fyrr enn í mars
Nú er greitt, at flutt verður í nýggja bygningin 15. mars 2021
Nýggja politistøðin í Havn er nógv seinkað, men nú er greitt, at flutt verður inn í bygningin hálvan mars næsta ár
 
27.08.2020 - 11:51

Nýggja politistøðin við Húsagøtu í Havn er nú so nógv seinkað, at politiið fær hana ikki fyrr enn hálvan mars næsta ár.

Politiið skuldi flyta inn tann 1. august í ár. Men tað bleiv av ongum, tí støðin er ikki liðug enn, verri enn so.

Ætlanin var so, at politistøðin skuldi vera klár at flyta inn í tann 1. desember. Men tað verður hon heldur ikki, sigur Michael Boolsen, fúti.

Og nú er greitt, at innflytingin verður 15. mars 2021.

Torført at fáa handverkarar

Orsøkin til seinkingina er, at torført er at fáa handverkarar í hesum koronutíðum. Ein ætlan er gjørd um arbeiðið, sum er eftir at gera. 

Hon er løgd fyri umboð fyri Bygningsstyrelsen, sum er byggiharri, ríkispolitiið og politiið í Føroyum nú í vikuni.

Og úrslitið er, at byggingin verður liðug 15. mars næsta ár.

Politiið leigar frá Bygningsstyrelsen.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585