Viðgera møguleikan at brúka MobilePay í Føroyum

20.08.2020 - 16:21
AktueltPengar
Viðgera møguleikan at brúka MobilePay í Føroyum
Tað hevur eydnast at finna eina loysn í Grønlandi, við at nýta danskt cpr-nummar og danskt telefonnummar
Árni Ellefsen er formaður í felagnum Peningastovnar, sum nú aftur fer at kanna møguleikarnar at brúka MobilePay í Føroyum
Mynd: Bjarni Árting Rubeksen  
 

Føroysku peningastovnarnir fara nú at viðgera spurningin, um teir skulu fáa skipanina MobilePay at virka í Føroyum. Hetta er ein skipan, har tað millum annað ber til við eini app at flyta pening í staðin fyri at brúka netbanka.

Í gjár kunngjørdi Grønlandsbankin, at MobilePay-skipanin nú kann brúkast í Grønlandi. Skipanin riggar eisini hjá kundunum hjá BankNordik í Grønlandi. 

Ov dýr skipan

Árni Ellefsen, stjóri í BankNordik og formaður í felagnum Peningastovnar, sigur, at felagið viðgjørdi spurningin fyri trimum ella fýra árum síðani, men tá varð mett, at tað fór at kosta ov nógv samanborið við nyttuvirðið. sum fekst burtur úr skipanini.

Hann lovar tó, at felagið fer at taka málið upp aftur á næsta fundi, sum verður í seinasta lagi um 14 dagar.

- Tað er altíð ein meting av kostnaði samanborið við, hvat vit kunnu bjóða, sigur Árni Ellefsen.

Danskt cpr-nummar

Tele-Post í Grønlandi, har føroyingurin, Kristian Reinert Davidsen, er stjóri, hevur verið við til at funnið loysnir, so tað ber til at nýta skipanina í Grønlandi.

Avbjóðingin í Føroyum er serliga á tveimum økjum:  at skipanin er gjørd til donsk cpr-nummur og donsk telefonnummur.

Grønlendingar nýta longu sum er donsk cpr-nummur. 
 

 
Nýggjastu sendingar í ÚV
Mánadag 30. november
Umhvørvið og eg - Bilar
116949
Mánadag 30. november
Nón 30. november 2020
116988
Mánadag 30. november
Norðurljóð 30.november "Jól 2020"
116944
Mánadag 30. november
Áðrenn Elvis: Millumkrígs blues og folk
116983
Mánadag 30. november
Víkingur og HB hittast í steypafinaluni
116981
Nýggjastu sendingar í SV
Mánadag 30. november
3-2
116999
Sunnudag 29. november
Andakt við Jákupi Erlingssyni Petersen
116914
Sunnudag 29. november
Fótbóltur: NSÍ - HB
116927
Sunnudag 29. november
Guðstænasta úr Christianskirkjuni
116923
Leygardag 28. november
Fótbóltur: Víkingur - B36
116909