Ætlar sær heim aftur til Hvítarusslands

19.08.2020 - 09:20
AktueltÚtheimurin
Ætlar sær heim aftur til Hvítarusslands
Andstøðuleiðarin flýddi til Litava eftir forsetavalið í Hvítarusslandi herfyri
Tað hevur verið ófriðarligt í Hvítarusslandi síðani forsetavalið, og Lukasjenko, forseti, er undir hørðum trýsti
 

Andstøðuleiðarin í Hvítarusslandi, Svetlana Tikhanovskaja, ætlar at fara heim aftur til Hvítaruslands. Tað siga vinfólk hennara við BBC.

Svetlana Tikhanovskaja rýmdi úr Hvítarusslandi eftir forsetavalið næstseinasta sunnudag, og síðani hevur hon verið í Litava.

Fer hon heim aftur, fær andstøðan í landinum nýggja megi í stríðnum at fáa Lukasjenko, forseta, at leggja frá sær.

ES viðger støðuna

Hon hevur heitt á ES um ikki at góðkenna forsetavalið í Hvítarusslandi. Tað gjørdi hon í eini røðu á netinum upp undir fundin, sum stjórnarleiðararnir í ES skulu hava um støðuna í Hvítarusslandi í dag.

Leiðararnir í ES skulu m.a. umrøða tiltøk ímóti Lukasjenko, og framferðina hjá honum ímóti andstøðuni eftir valið.

Fólk í túsundatali hava verið í gøtunum í høvuðstaðnum, Minsk, síðani forsetavalið, og andstøðan hevur mælt til verkfall, sum veksur í vavi hvønn dag.

Herurin tilbúgvin

Samstundis hevur Lukasjenko, forseti, givið herinum boð um at vera tilbúnan við markið vestureftir.

Tað er neyðugt eftir nógvu atfinningarnar úr øðrum londum, segði forsetin á fundi í hvítarussiska trygdarráðnum í gjár.

Hann skuldsetti samstundis andstøðuna fyri at royna at gera statskvett í landinum.

 
Nýggjastu sendingar í ÚV
Hósdag 26. november
Breddin
116818
Hósdag 26. november
Óhoyrt
116805
Hósdag 26. november
At njóta og nýta
116798
Hósdag 26. november
Góðan morgun Føroyar
116789
Nýggjastu sendingar í SV
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620