Trump vil hava forsetavalið útsett

30.07.2020 - 14:45
AktueltÚtheimurin
Trump vil hava forsetavalið útsett
Forsetin stúrir fyri, at svik verður framt, tá valt verður við brævi
Donald Trump, forseti, heldur, at tað ber til at svika við brævatkvøðum, og hann vil hava forsetavalið í heyst útsett
 

Amerikanski forsetin, Donald Trump, hevur í dag skrivað á sosialu miðlunum, at hann vil hava amerikanska forsetavalið í november útsett, tí leisturin við brævatkvøðum kann misnýtast og elva til svik og skeiv úrslit, sigur forsetin. 

Hann skýtur tí upp at útseta valið, til fólk aftur trygt kunnu atkvøða, sum hann málber seg. 

Fá prógv

Fá prógv eru fyri, at brævatkvøður elva til svik, men Donald Trump hevur í fleiri umførum sagt, at hesin hátturin at velja er ótryggur. Koronafarsóttin ger, at fleiri statir í USA vilja gera tað lættari hjá fólki at velja við brævi.

Á sosialu miðlunum skrivar forsetin, at hesin hátturin at greiða atkvøðu fer at gera valið í november til tað mest skeiva og svikaliga forsetavalið í amerikanskari søgu, og tað verður eyðmýkjandi fyri USA.  

Vilja bara hava brævatkvøðu

Fyrr í hesum mánaðinum boðaðu seks statir í USA frá, at teir vilja bara hava brævatkvøður til forsetavalið í november. Hesir statirnir fara at senda brævatvkøður til allar skrásettar veljarar, sum síðani senda atkvøðuna inn fyri valið.

Umleið helmingurin av statunum í USA fer at loyva brævatkvøðum, um fyrispurningar koma um tað frá veljarum.

Kunnu velja fleiri ferðir

BBC skrivar í dag, at tey, sum finnast at skipanini við brævatkvøðum, stúra fyri, at fólk kunnu velja meira enn einaferð, og forsetin hevur sagt, at vandi er fyri, at fleiri túsund fólk fara at sita kring USA og velja fleiri ferðir.

BBC skrivar, at gransking í hesum háttinum at velja, vísir kortini eingi prógv fyri, at tað ber til at svika við brævatkvøðu.
 

 
Nýggjastu sendingar í ÚV
Fríggjadag 7. august
Morgunlesturin fríggjadagurin 7. august 2020
111745
Mikudag 5. august
Ein táttur er silvur 5. partur
112000
Mikudag 5. august
Summartímin týsdagin 4. august
111989
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807