Eitt Sojuz-rúmdarfar skotið út í rúmdina í morgun

Sojuz-rúmdarfarið hevur kós móti altjóða rúmdarstøðini, ISS.

Kosmonautarnir, Anatolij Ivanisjin og Ivan Vagner, frá russiska rúmdarstovninum Roscosmos, og Chris Cassidy frá amerikanska rúmdarstovninum Nasa, vórðu skotnir út klokkan 9.05 í morgun føroyska tíð.

Vanliga manngongdin, áðrenn rúmdafør verða skotin út, var ikki fylgd í morgun orsakað av koronasmittuni. Tá plaga manningin at hitta fjølmiðlar og biðja familju og vinum farvæl. Soleiðis var ikki í morgun. Manningin svaraði spurningum frá journalistum í gjár við telduposti.