- Tíðindi, mentan og ítróttur
Næmingaheimið í Vági takt
Næmingaheimið í Vági takt
Ítróttarháskúlin og Bústaðir byggja næmingaheimið
Mynd: Vágs kommuna
30.03.2020 - 14:31
Tak er nú lagt á nýggja næmingaheimið, sum verður bygt til at hýsa næmingum hjá ítróttarháskúlanum í Vági.
Leygardagin vórðu handverkarar lidnir at tekja nýggja næmingaheimið, skrivar heimasíðan hjá Vágs kommunu.
Áhugin fyri at ganga á ítróttarháskúlanum í Suðuroy hevur verið so stórur, at átrokandi tørvur var á bústøðum til næmingarnar.
Pláss verður fyri 72 næmingum á nýggja næmingaheiminum, sum Ítróttarháskúlin og Bústaðir byggja. Enn er ikki greitt, hvat endaligi kostnaðurin verður.
Tá næmingaheimið stendur liðugt, verður farið undir at byggja ein skúlabygning til Ítróttarháskúlan, segði borgarastjórin í Vági við sjónvarpið fyri tveimum árum síðani.
Nýggjastu sendingar í ÚV
Nýggjastu sendingar í SV