Fíggjarnevndin fund í morgin

Fíggjarnevndin fund í morgin
Fíggjarnevndin skal loksins hava fund í morgin fyrrapart
Ruth Vang er forkvinna í Fíggjarnevndini, men tað er hon kanska ikki eftir nevndarfundin í morgin
Mynd: savnsmynd  
 
24.01.2019 - 15:04

Fíggjarnevndin hjá løgtinginum hevur loksins fund í morgin.

Sambært heimasíðuni hjá løgtinginum er boðað til fundar í nevndini klokkan 10 fyrrapartin, og á skránni er millum annað val av formanskapi.

Ruth Vang, forkvinna stendur til at fáa ein meiriluta ímóti sær, tí síðani seinasta fund er Kristin Michelsen koyrdur úr tingbólkinum hjá Javnaðarflokkinum, og tí hevur samgongan ikki meirilutan longur, um hann velur at leggja saman við andstøðuni.

Løgtingið kemur annars ikki saman aftur fyrr enn fríggjadagin í næstu viku. 

Tað staðfestir Páll á Reynatúgvu, løgtingsformaður, nú tað er greitt, at umvælingararbeiðið í tingsalinum ikki verður liðugt í dag kortini.

Útnorðurráðið hevur fund í næstu viku, og tá eru fleiri løgtingsfólk burturstødd.

Siðvenja er, at tingfundir verða ikki hildnir, meðan Útnorðurráðið fundast.

 

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585