Flestu føroyingar biðja fleiri ferðir um vikuna

Flestu føroyingar biðja fleiri ferðir um vikuna
Flestu føroyingar siga seg biðja til Gud fleiri ferðir um vikuna – ella oftari. Tað vísir kanning í sambandi við sjónvarpsrøðina Gud signi Føroyar.
Í Norðoyggjum og Eysturoynni svara 54%, at tey biðja til Gud einaferð um dagin ella oftari. Í høvuðsstaðnum svara 29 %, at tey biðja einaferð um dagin ella oftari, og í restini av landinum er hetta talið 44%
Mynd: Gud signi Føroyar  
 
05.04.2018 - 19:45

Kanningin er gjørd í samstarvi við greiningarfyritøkuna Lóður. Hon varð gjørd á sumri í 2017, og 532 tilvildarliga vald fólk ímillum 15 og 75 ár luttóku.

Sum fjórði parturin í sjónvarpsrøðini Gud signi Føroyar avdúkaði, hevur ein av spurningunum til endamáls at kanna, hvussu ofta føroyingar biðja til Gud. Kanningin spurdi:

Hvussu ofta biður tú til Gud, tá møti/gudstænastur ikki er íroknað?

41 % svaraðu, at tey bóðu til Guð einaferð um dagin ella oftari. 22 % svaraðu, at tey bóðu til Gud fleiri ferðir um vikuna. 13 % søgdu, at tey bóðu til Gud fleiri ferðir um árið, og 20 % svaraðu, at tey bóðu sjáldnari ella ongantíð. 4 % søgdu seg ikki vita.

Tað vil siga, at 63 % av øllum føroyingum siga seg biðja til Gud fleiri ferðir um vikuna - ella oftari.

Samanbera vit økini kring landið, er stórur munur á svarunum, eins og í undanfarnum sendingum. Í Norðoyggjum og Eysturoynni svara 54%, at tey biðja til Gud einaferð um dagin ella oftari. Í høvuðsstaðnum svara 29 %, at tey biðja einaferð um dagin ella oftari, og í restini av landinum er hetta talið 44%. Úrslítini býtast soleiðis:

Sást tú ikki seinasta part av Gud signi Føroyar, so finnur tú partin her

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584