Menn fáa flest atkvøður, og kvinnur velja kvinnur

27.02.2018 - 08:25
AktueltSamfelag
Menn fáa flest atkvøður, og kvinnur velja kvinnur
Tað vísir ein kanning, sum Gallup hevur gjørt fyri Demokratia í sambandi við aðalorðaskiftið í tinginum í dag um javnstøðupolitikk.
 

Tá ið ræður um val, verða valdir fleiri menn enn kvinnur.

Kanningin vísir, at tilsamans valdu 36% av teimum spurdu kvinnur, og 57% valdu menn.

Men kanningin vísir eisini, at kvinnur velja oftari kvinnur enn menn. 

Á seinasta løgtingsvali valdu 48% av teimum spurdu eina kvinnu, men bara 25% av monnunum valdu eina kvinnu. Tølini fyri seinasta kommunuval eru ávikavist 57% og 31%.

Demokratia heldur, at hetta úrslitið vísir, at tað er ikki rætt, tá tað onkuntíð hoyrist, at kvinnur velja ikki kvinnur. Heldur eru tað menninir, sum enn velja menn.

Kanningin vísir, at 81% av teimum spurdu taka undir við javnstøðu í politikki. Men fólk vilja ikki, at lóggevast skal fyri javnstøðu á løgtingi og kommunustýrum.

Hugburðurin er tann sami, tá spurt verður um barnsburðarfarloyvi. 86% av teimum spurdu svara, at foreldur skulu sjálvi býta farloyvið millum sín.

Kanningin vísir eisini, at kvinnurnar hava høvuðsábyrgdina av at keypa húsarhaldsvørur, gera døgurða, vaska klæðir, gera reint, fara til lækna ella tannlækna við børnum, og at vera heima hjá sjúkum barni.  

522 fólk, 18 ár og eldri, vórðu spurd í kanningini, sum Demokratia hevur latið gera. Hon varð gjørd frá 19. desember í fjør til 3. januar í ár. 

Aðalorðaskifti í dag

Í dag verður aðalorðaskifti í løgtinginum um javnstøðu, og tað byrjar klokkan kl.11.00.

Sambært einari frágreiðing, sum Eyðgunn Samuelsen, landsstýriskvinna í almannamálum, hevur fingið gjørt og lagt fyri tingið mikudagin, taka føroyskir pápar taka bara 7% av barsilsfarloyvinum, men mammurnar taka 93%.

Tølini eru frá 2016.

Luturin hjá føroysku pápunum í barsilsfarloyvinum er minni enn í okkara grannalondum.

Aðalorðaskiftið í dag verður millum annað um barsilsfarloyvið.

 
Nýggjastu sendingar í ÚV
Hósdag 25. februar
Morgunlestur hósdagur 25. februar 2021
120515
Mikudag 24. februar
Breddin
120788
Mikudag 24. februar
Nón 24. februar 2021
120782
Mikudag 24. februar
Góðan morgun Føroyar 24.02.2021
120748
Mikudag 24. februar
Morgunlestur mikudagur 24. februar 2021
120514
Nýggjastu sendingar í SV
Mikudag 24. februar
Fiskivinnukjak í Klaksvík
120790
Týsdag 23. februar
Maria Skaalum Petersen, Fróðskaparsetrið
118844
Mánadag 22. februar
3-2
120666
Sunnudag 21. februar
TeenStreet lovsangur (4:5)
120617
Sunnudag 21. februar
Guðstænasta úr Hoyvíkar kirkju
120608