Ráðharrin skal avhoyrast í Eik-sakarmálinum

bannari
26.01.2018 - 13:06
AktueltSamfelag
Ráðharrin skal avhoyrast í Eik-sakarmálinum
Brian Mikklesen var búskapar- og vinnumálaráðharri í 2010, tá Eik fór um koll, og hann skal avhoyrast sum vitni í stóra sakarmálinum
Nógvir rættarfundir vera um Eik. Dómur fellur ikki fyrr enn næsta ár
 

Millum nógvu vitnini í sakarmálinum um Eik banka, sum Føroya rættur er farin undir at viðgera, er Brian Mikkelsen, fólkatingsmaður og fyrrverandi ráðharri, upplýsir Ritzau.

Brian Mikkelsen var búskapar- og vinnumálaráðharri í 2010, tá Eik banki kollsigldi, bæði í Føroyum og í Danmark. Bankin var farin, um Fíggjarligt støðufesti, tað er danski staturin, ikki bjargaði honum.

Hann var í andglettinum tá í september í 2010, tí hann skuldi hava vitað um støðuna hjá Eik 21. september, men ikki fyrr enn 24.september boðaði hann landsstýrismanninum í fíggjarmálum, sum tá var Jóannes Eidesgaard, frá boðunum, hann fekk frá Fíggjareftirlitinum.

Brian Mikkelsen segði, at ávaringin, sum hann fekk frá Fíggjareftirlitinum, bara var um bankan hjá Eik í Danmark. Ikki fyrr enn tveir dagar seinni fekk hann at vita, at móðurbankin í Føroyum eisini var illa fyri. Jóannes Eidesgaard er eisini vitni í Eik málinum.

Nógv vitni 

Nils Bernstein, sum var stjóri í danska tjóðbankanum, er somuleiðis á listanum við teimum 140 vitnunum. Fyrstu vitnini í Eik málinum í Føroyum verða avhoyrd í mai. 

Fíggjarligt støðufesti stevndi fyri skjótt fimm árum síðani fimm monnum og einum grannskoðarafelag eftir 150 milliónum krónum í bankamálinum. 

102 rættarfundur eru settir av til málið, og 23 dagar eru umframt til at taka, um 102 dagar ikki eru nóg nógvir, skrivar Ritzau.

 

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857
Mánadag 12. apríl
3-2
122744