Neyðugt er at seta fólk at umsita Keypsportalin

bannari
Neyðugt er at seta fólk at umsita Keypsportalin
Fíggjarmálaráðið fegnast um frágreiðing hjá Landsgrannskoðanini og vil hava fleiri
Fíggjarmálaráðið fegnast um atfinningar um Keypsportalin og ætlar at seta fólk til at røkja hann.
 
14.09.2017 - 07:58

Fíggjarmálaráðið fer næsta ár at seta eitt fólk til burturav at røkja Keypsportalin, sum kom í 2013.

Biðið verður um pengar til starvið í fíggjarlógini fyri 2018.

Tað sigur Fíggjarmálaráðið um atfinningarnar hjá Landsgrannskoðanini um Keypsportalin hjá landinum.

Hóast almennir stovnar væl vita, at tá keypt verður fyri meira enn 50.000 kr., eiga stovnarnir at biðja um tilboð frá í minsta lagi tveimum seljarum á Keypsportalinum, og keyp fyri yvir 500.000 kr. skulu bjóðast út alment, verður tað verri enn so altíð gjørt.

Tað hevur Landsgrannskoðanin staðfest.

Eingin vil eiga hann 

Eingin kennir veruliga ábyrgd av Keypsportalinum, sigur Landsgrannskoðanin.

Løgtingsgrannskoðarnir bóðu Landsgrannskoðanina kanna, hvussu Keypsportalurin verður brúktur.

Tað gjørdi Landsgrannskoðanin. Frágreiðingin hjá henni er nú latin løgtinginum. 

Fíggjarmálaráðið tekur atfinningarnar og frágreiðingina til eftirtektar. Ráðið er eisini fegið um tær. 

Ein slík frágreiðing skal gerast javnan, heldur Fíggjarmálaráðið.  

Fíggjarmálaráðið og Gjaldstovan arbeiða fyri, at Keypsportalurin verður brúktur og eisini dagførdur, millum annað, hvørji undantøkini eru.   

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585