- Tíðindi, mentan og ítróttur
Góðan morgun Føroyar
Í farnu viku talaði Alzheimerfelagið at eini orðing, ið stóð sum yvirskrift í einum lesarabrævi frá Jógvan Páll Lassen.
Yvirskriftin var "Hevur Astrup Alzheimer?"
- Avvarðandi hava verið stoytt av hesum, og eisini tey, sum eru sjúk. Tey fylgja eisini við í tí, sum hendir í almenna rúminum, og hetta er ein bólkur í samfelagnum, sum ikki kann svara fyri seg, sigur Ann-Mari Jensen, forkvinna í Alzheimerfelagnum.
Hon heldur, at tað er sera óheppið, at Jógvan Páll Lassen velur at brúka orðið Alzheimer í lesarabrævinum.
- Tað er jú ein álvarsom sjúka, og tað er ein lækni, sum skal seta diagnosuna og ikki nakar annar, staðfestir Ann-Mari Jensen.
Jógvan Páll Lassen angrar í dag, at hann brúkti orðingina í lesarabrævinum.
- Eg angri, at eg brúkti hatta orðavalið, og vil gjarna biðja um umbering. Eg veit alt um Alzheimer, tí vit hava havt tað í familjuni í nógv ár, sigur Jógvan Páll Lassen.