- Tíðindi, mentan og ítróttur
Breddin
Enn einaferð hoyrast røddir, sum vilja selja tey 34 prosentini av Bank Nordik, sum landið eigur.
Jørgen Niclasen, sum nú er landsstýrismaður í fíggjarmálum, og harvið varar av partabrøvunum hjá landskassanum í BankNordik, hevur í dag onga viðmerking til eina møguliga sølu av teimum 34 prosentunum av partabrøvunum í BankNordik, sum landið framvegis eigur.
Men tað er greitt, at slóðað er fyri eini slíkari sølu.
Men hvussu áhugaverd eru partabrøvini í bankanum?
Sambært Peter Eidesgaard Jeppesen, sum í mong ár hevur arbeitt sum sjálvstøðugur partabræva-greinari og hevur fylgt við gongdini í BankNordik, síðani bankin fór á keypsskálan fyri skjótt 15 árum síðani, er partabrøvini eitt gott keyp.
Tí hevði hann mælt til, at landið bíðar við at selja sín triðing av BankNordik, tí mest sannlíkt fer kursvirðið á banknum at hækka næstu árini.
Kursurin á BankNordik partabrævinum liggur ídag omanfyri 150 - tað er í roynd og veru tað hægsta støðið, sum kursurin hevur ligið á síðani fíggjarkreppuna í 2008.
AstraZeneca
Danska stjórnin hevur sum einasta land í verðini vrakað koppingarevnið hjá AstraZeneca.
Men er tað rætt av føroyingum at fylgja sama leisti, tá eitt keyp av koppingarevnið kann hugsast at framskunda føroysku koppingartíðarætlanina
Pál Weihe, yvirlækni, vitjaði útvarpsstovuni.
Norðurírland
Seinastu tvær vikurnar eru 90 løgreglufólk løstað í gøtuófriði í Norðurírlandi.
Tað skrivar BBC.
Ófriðurin kyknaði 29. mars í Derry, har ungdómar brustu saman við løgregluni. Næstu dagarnar breiddi ófriðurin seg víðari til Belfast, Carrickfergus, Newtownabbey og aðrar býir.
Hendingar leiða tankarnar aftur til sekteriska ófriðin millum protestantiska meirilutan og katólska minnilutan áðrenn langafríggjadags-avtaluni 10. apríl 1998.
Men hvussu ber tað til, at slíkur ófriður kyknar aftur í einum vesturlandskum landi - sum á nógvan hátt er sera líkt tí føroyska.
Tað hava vit fingið søgufrøðingin Oddur á Lakjuni, sum eisini hevur serligan áhuga í bretsk samfelagsviðurskifti, í útvarpsstovuna at tosa eitt sindur um.
Luttakarar: Oddur á Lakjuni, Pál Weihe og Peter Eidesgaard Jeppesen.<
Gjørt sendingina hava Jón brian Hvidtfeldt og Jógvan Skeel Nolsøe.
Redaktørur er Hallur av Rana.