Ása Holm nýggjur borgarstjóri í Porkeri

Ása Holm er vald til borgarstjóra í Porkeri.

Ása Holm er tann einasta av lista B, sum er í bygdarráðnum. Hini fýra eru á lista A. Andreas Berg, sum fekk flestar atkvøður á kommunuvalinum, er varaborgarstjóri í Porkeri.

Tveir listar vóru í Porkeri á kommunvalinum. Listi A fekk 151 atkvøður og listi B 74.

Ása Holm var á lista B og fekk 33 atkvøður. Andreas Berg var á lista A, og fekk 40 atkvøður.

Hoyr samrøðu við Ásu Holm í útvarpstíðindunum.