- Tíðindi, mentan og ítróttur
Føroyingar millum tyngstu í heiminum
Tveir av trimum føroyingum viga ov nógv. Tað vísa tøl, sum Fólkaheilsustýrið almannakunngjørdi í dag. Gongdin er hin sama um allan heim, og alt fleiri fólk viga ov nógv. Vit liggja tó ovarlaga, á fjórða plássi.
Í okkara parti av heiminum teljast vit sostatt millum tey londini, har lutfalsliga flest fólk viga ov nógv.
Marjus Dam, hevur tey góðu 30 árini hann hevur starvast sum kommunulækni sæð hvussu fólk, ið koma til viðtalu hjá honum gerast alsamt tyngri. Hetta má takast í álvara nú, sigur hann.
Hvussu hevur tú tað, kallaðist fólkaheilsukanning, sum varð gjørd seinasta heyst og sum hevði hevði til endamáls at greina heilsustøðuna hjá vaksnum fólkum í Føroyum.
8.000 føroyingar millum 18 og 85 ár úr øllum Føroyum vórðu tilvildarliga vald út og stívliga 5.104 fólk svaraðu.
Talan er sostatt um størstu fólkaheilsukanning, sum er gjørd í Føroyum.