- Tíðindi, mentan og ítróttur
Vænta ófríð í samband við Eurovision Song Contest
Vænta ófríð í samband við Eurovision Song Contest
Sviar nýta dronur til trygd í samband við sangkappingina
Mynd: Ritzau/Scanpix.
05.05.2024 - 10:21
Í Svøríki fyrireika myndugleikarnir seg til ófrið í samband við árliga Melodi Grand Prix'i, sum sviar í ár eru vertir fyri.
Orsøkin er luttøkan hjá Ísrael í sangkappingini.
Tað skrivar danska kringvarpið.
Melodi Grand Prix - ella Eurovision Song Contest - fer av bakkastokki í Malmø Arena í næstu viku. Semifinalurnar verða týsdag og hósdag, og sjálv finalan verður leygardagin 11. mai.
Í fleiri mánaðir hevur ísraelska luttøkan elvt til kjak og atfinningar. Myndugleikarnir vænta tí umfatandi mótmælir í næstu viku.
Løgreglan í Malmø fer at nýta dronur til at hava eftirlit í býnum, og eisini skulu danska og norska løgreglan hjálpa til við trygdini.
Nýggjastu sendingar í ÚV
Nýggjastu sendingar í SV